Arweinyddiaeth Feiddgar ar gyfer Cynhwysiant: Pan fo Diwallu Anghenion Pob Disgybl yn Galw am Wneud Pethau’n Wahanol

Nid yw arweinyddiaeth effeithiol ym maes ADY yn ymwneud â chael yr holl atebion, ond â bod yn barod i fyfyrio, herio rhagdybiaethau a gofyn y cwestiynau sy’n arwain at well canlyniadau i ddysgwyr. Mae’r sesiwn hon yn archwilio sut y gall arweinwyr a Chydlynwyr ADY greu diwylliant lle mae cynhwysiant, tegwch a pherthyn yn gyfrifoldeb ar y cyd i bawb. Byddwn yn ystyried sut i gryfhau hyder staff, hyrwyddo hyblygrwydd o fewn y cwricwlwm, gwneud defnydd effeithiol o adnoddau a chydbwyso anghenion unigol dysgwyr â blaenoriaethau’r ysgol gyfan. Bydd cyfranogwyr yn archwilio sut y gall systemau ac arferion sefydledig greu rhwystrau i gyfranogiad a chynnydd yn anfwriadol, a sut y gall arweinyddiaeth fyfyriol sy’n seiliedig ar werthoedd gefnogi amgylcheddau dysgu mwy cynhwysol. Mae cynhwysiant yn gofyn am fwy na bwriadau da yn unig; weithiau mae’n gofyn am y dewrder i feddwl ac i weithredu’n wahanol.