Pan Fydd Pob Ymddygiad yn Adrodd Stori: Strategaethau Ymarferol i Gefnogi Dysgwyr ag Anghenion Iechyd Meddwl Cynyddol

Mae ysgolion yn gweld lefelau digynsail o bryder, anawsterau hunanreoleiddio emosiynol, osgoi ysgol ac ymddygiadau sy’n gysylltiedig ag anghenion iechyd meddwl nas diwallwyd. Yn aml, athrawon yw’r rhai cyntaf i sylwi pan fo rhywbeth o’i le, ond mae llawer yn teimlo nad oes ganddynt yr hyder i ymateb yn effeithiol ochr yn ochr â gofynion yr ystafell ddosbarth.

Bydd y seminar ddiddorol ac ymarferol hon yn cynnig strategaethau syml, sy’n seiliedig ar dystiolaeth, i staff ysgolion i’w helpu i adnabod arwyddion cynnar o drallod emosiynol, ymateb yn hyderus a chreu amgylcheddau dysgu sy’n ddiogel yn emosiynol lle gall dysgwyr ffynnu. Bydd cyfranogwyr yn archwilio sut y gall newidiadau bach i ymarfer bob dydd gael effaith sylweddol ar ymddygiad, presenoldeb, llesiant a dysgu.

Byddwch yn gadael gyda mwy o hyder i ymateb i ddysgwyr sy’n profi trallod emosiynol, ynghyd â strategaethau ymarferol ar gyfer yr ystafell ddosbarth sy’n cefnogi hunanreoleiddio emosiynol a gwydnwch. Byddwch hefyd yn datblygu gwell dealltwriaeth o’r cysylltiad rhwng ymddygiad a llesiant, ac yn archwilio ffyrdd ymarferol o gefnogi dysgwyr wrth weithio o fewn ffiniau a chyfrifoldebau eich rôl broffesiynol.

Iaith: Saesneg | Cynulleidfa: Pawb