Dod â’r Wefr yn Ôl!

Bydd y sesiwn hon yn cynnig strategaethau ymarferol i ailgynnau chwilfrydedd yn yr ystafell ddosbarth a gwneud i ddysgwyr fod eisiau dysgu a bod dysgwyr ac athrawon yn teimlo’r wefr eto. Bydd cyfranogwyr yn gadael gyda strategaethau syml, hyblyg ac addasadwy sy’n gwneud dysgu’n bwrpasol, yn gyfranogol ac yn anodd ei anwybyddu, gan ailgysylltu â’r rhesymau a’ch denodd at addysgu yn y lle cyntaf. Bydd cyfleoedd i roi cynnig ar dechnegau addysgu creadigol sy’n tanio dychymyg a diddordeb dysgwyr o bob oed, ynghyd â strategaethau arloesol i adfywio hyd yn oed y pynciau a’r sgiliau mwyaf sych ac anniddorol.

Byddwn yn archwilio ffyrdd o ysgogi ac egnioli dysgwyr goddefol, drwy weithgareddau wedi’u cynllunio i sicrhau bod pob dysgwr yn cymryd rhan weithredol. Byddwn hefyd yn ystyried dulliau o adfer gwerth a balchder mewn gweithio’n galed, technegau i feithrin hyder ymhlith y dysgwyr mwyaf amharod, a ffyrdd o gefnogi dysgu effeithiol heb orddibynnu ar lais yr athro.