Creu a Chynnal yr Amodau i Ffynnu: Dysgu o Ddull sy’n Ystyriol o Drawma a Phrofiadau Adfydus Plentyndod yng Nghymru

Bydd y sesiwn hon yn ystyried sut y gallwn, drwy fabwysiadu dull sy’n ystyriol o drawma ac ACEs (Profiadau Adfydus Plentyndod) o fewn y system addysg, greu’r amodau sydd eu hangen i feithrin gobaith ymhlith plant, pobl ifanc, eu teuluoedd a’r rhai sy’n gweithio mor galed i’w cefnogi.

Y gobaith eu bod yn gallu dysgu, datblygu a meithrin doethineb mewn mannau sydd ag ymdeimlad o ddiogelwch ac sydd yn ddiogel. Mannau sy’n meithrin ac yn cysylltu pobl, yr amgylchedd, ac sy’n ymestyn y tu hwnt i furiau’r sefydliad i hyrwyddo ffordd o fyw sy’n cydnabod, waeth beth fo’r heriau y gall unrhyw un ohonom fod yn eu hwynebu, fod modd eu goresgyn.

Gall adfyd a thrawma effeithio unrhyw un ohonom, ond mae’r cyfle i atal niwed a darparu’r gefnogaeth gywir i ddiwallu anghenion pobl ifanc yn hollbwysig. Ac mae’n rhaid inni gydgynhyrchu hyn gyda’n gilydd ar draws pob sector. Cewch glywed gan y bobl ifanc eu hunain am yr hyn y maent yn gobeithio y gall y gwaith hwn ei gyflawni, ac sydd eisoes wedi’i gyflawni. Efallai y bydd hyn yn eich synnu. Ond mae’n cynnig gobaith, nid anobaith. Byddaf yn dod â’r stori llawn gobaith hon i Landudno, gan rannu ymchwil, profiadau a realiti cymunedau ledled Cymru.

Iaith: Saesneg | Cynulleidfa: Pawb